Бектемир Мелиқўзиев рақибини муддатдан аввал "ер тишлатди"

Айни пайтда АҚШнинг Лас-Вегас шаҳрида профессионал бокс оқшоми бўлиб ўтмоқда.

Эътиборлиси, ҳозиргина ҳамюртимиз Бектемир Мелиқўзиев ва ганалик Сена Агбеко тўқнашуви якунланди. Гарчи чарм қўлқоп устамиз жанг бошиданоқ кучли зарбалар йўллаган бўлса-да, рақиб уларга дош бера олди. Бироқ 7-раундга бориб, Агбеконинг иродаси етмади. Аниқроғи, Мелиқўзиев рақибини техник нокаутга учратиб, профессионал фаолиятидаги 17-ғалабасини қўлга киритди.

Маълумот учун, мазкур кечанинг марказий жангида Райан Гарсия ва Марио Барриос ярим ўрта вазнда WBC камари учун кураш олиб бориши белгиланган.