Бектемир Мелиқўзиев ва допинг билан боғлиқ бўлган хабар юзасидан тушунтириш

Бугун UzNADA томонидан Бектемир Мелиқўзиевга 4 йиллик тақиқ қўйилгани ҳақида хабар берилди. Ушбу хабар мазмунини кўпчилик ўқувчилар нотўғри талқин қилмоқда.

Бектемир Мелиқўзиев билан аслида 2018 йил жарроҳлик амалиёти ўтказилган ва табиийки, даволаниш жараёнида қабул қилган дориларда тақиқланган модда аниқланган. Шу ўринда, бир нарсани тушуниш керак. Оддий парацетамол таблеткаси ҳам спортчилар учун тақиқланган моддага эга. Ва айнан ўша 2018 йилда Мелиқўзиевда "фурасемид" моддаси топилган. Эьтибор беринг, бу ҳолат 2018 йилда бўлган. Шундан сўнг, у 2020 йил 27 февралга қадар дисквалификация қилинган эди.

Бугунги хабардан кейин эса, у кўпчиликда яна тақиқланган модда истеъмол қилган, деган тасаввур пайдо бўлган. Аслида мутлақо ундай эмас. Бектемир Мелиқўзиевга қўйилган тақиқ 2020 йил 9 август кунги текширув ҳулосасидан сўнг олиб ташланган эди. Аммо 2019 йилдаги назорат синови топширилмагани ва бу ҳолат тақиқ даврига тўғри келгани сабаб, ўша муддатга икки марта кўпайган ҳолда яна 4 йил қўшилган. Битта нарсага этибор беринг: бу допинг истеъмол қилиш билан боғлиқ бўлмаган ҳолат.

Қолаверса, ушбу тақиқ фақатгина AIBA томонидан қўйилган. Буни профессионал боксга мутлақо алоқаси йўқ. Шунингдек, хабарда унинг 2020 йилдан бошлаб, барча натижалари ва медаллари бекор қилинади, дейилган. 2020 йилда эса, у ҳаваскор боксда ҳеч қандай мусобақаларда иштирок этмаган. Демак унда бекор қилинадиган натижаю медални ўзи йўқ. Бектемир эришган ютуқлар Олимпиада, Осиё ва жаҳон чемпионати медаллари унинг ўзида қолади.

Профессионал боксдаги фаолиятга келадиган бўлсак, ушбу йўналишда боксчилар ҳар бир жанг олдидан допинг текширувидан ўтади. Бектемир ҳозирга қадар 7 та жанг ўтказган. Бу у 7 марта допинг текширувидан тоза ўтган, дегани. Яъни, бугунги гапларни профессионал фаолиятга мутлақо алоқаси йўқ. Ушбу вазият Мелиқўзиевнинг профессионал боксдаги фаолиятга ҳеч қандай салбий таъсир қилмайди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
&
⚽️FANAT M-YU⚽️
04/05/2021 23:36
Admin kottakon rahmat qisqa va londa tushuntirish bo‘libdi gap yo‘q
Baxil Alihuja
05/05/2021 09:46
Бектемирни куллаб-кувватлаймиз!

Минбар

Барча блоглар