Белал Муҳаммад: "Монреални камарсиз тарк этмайман"

Ярим ўрта вазнда UFC чемпиони Белал Муҳаммад (24-3-1 N/C) австралиялик Жек Делла Маддалена (17-2) билан тўқнашувда ғалаба қозонишига тўлиқ ишонмоқда. Шу боис у россиялик Ислом Махачевни навбатдаги жанги учун тезроқ шартнома имзолашга чақирди.

"Ислом менга унинг режаларимни бузиб юборганимни айтди. Бироқ мен Махачев ўзининг кейинги жанги учун тезроқ келишув имзолаши тарафдориман. Хавотир олманг, Монреални камарсиз тарк этмайман. Чемпионликни сақлаб қоламан. Шундай экан, ҳозирданоқ навбатдаги жанг учун лагерни бошланг, Ислом" - деди ярим ўрта вазн чемпиони "Red Corner MMA" га берган интервьюсида.

Аввалроқ, Махачев Белалга қарши октагонга чиқмаслигини, фақат Муҳаммад камаридан айрилсагина, ярим ўрта вазн чемпионлиги учун жанг қилишини маълум қилганди.