Беларусь чемпионатини "ёндирган" легионеримиз кучлироқ лигага йўл олади

Ўзбекистон терма жамоаси ва "Энергетик-БГУ" клуби футболчиси Бобур Абдихолиқов жамоасини ўзгартиради. Бу ҳақда SPORTS.uz сайти журналисти Яҳёхўжа Улуғхўжаев хабар тарқатди.

Манбанинг ёзишича, футболчи билан бир нечта хориж клублари қизиқиб қолган. Улар орасида, Туркия жамоалари ҳам бор. Агар ҳеч қандай муаммо юзага келмаса, тез орада Абдихолиқов янада кучлироқ биринчиликка йўл олиши мумкин.

Бобурнинг ўзи фаолиятини бошқа чемпионатда давом эттиришни истамоқда. Шу боис, трансфер амалга ошиши эҳтимоли жуда юқори. Воқеалар ривожини кузатамиз.