Беллингем: "Албатта, биз ғалаба қозонишга ҳақли эдик"

"Реал Мадрид" ярим ҳимоячиси ҳисобланган Жуд Беллингем "Манчестер Сити"га қарши муваффақиятдан сўнг ўйин ҳақида гапирди. 
 
"Биз бу учрашувда яхши ўйнадик. Мазкур беллашув бироз ғалати бўлганини ҳам таъкидлашим керак. Бундан ташқари, жамоам билан бирга, ўйинни ишончли бошладик, лекин кейин гол ўтказиб юбордик. Бизда жуда кўп имкониятлар бўлди ва якунда улардан фойдалана олдик. Шу боис ҳам, "Реал" ғалаба қозонишга ҳақли эди" - деди англиялик хавбек. 
 
Маълумот ўрнида, Беллингем кечаги тўқнашувнинг сўнгги голига муаллифлик қилди. 21 ёшли ярим ҳимоячи "шаҳарликлар"га қарши ўйинни тўлиқ ўтказди. "Sofascore" портали эса унинг ушбу ҳаракатларини 8.4 баллга лойиқ кўрди. 
 
Жуд жорий мавсум "қироллик клуби" сафида 32 та беллашувда иштирок этиб, 11 та гол ва 11 та голли узатмага муаллифлик қилди. Унинг клуб билан шартномаси 2029 йилгача мўлжалланган бўлиб, Тransfermarkt порталидаги нархи 180 миллион евро деб баҳоланмоқда.