Беллингем: "Барчамиз 100 фоиз унинг тарафдоримиз"

Мадриднинг "Реал" клуби ярим ҳимоячиси Жуд Беллингем жамоа вингери Винисиус Жуниор ҳақида фикр билдирди.

"Мен Вини билан ҳар куни кўришаман - у ҳали ҳам ўзининг максимал даражасида ўйин кўрсатяпти. У клубга ва биз қурмоқчи бўлаётган жамоага ҳеч қандай зарар келтиргани йўқ. Мен у билан жуда зўр муносабатдаман ва агар у жамоа учун ёки бизнинг ўйинимизга халақит берса, буни унга дарҳол айтган бўлар эдим. Лекин мен бундай деб ҳисобламайман. Бош мураббийга келадиган бўлсак, барчамиз Хаби Алонсога 100 фоиз ишонамиз ва унинг тарафдоримиз" - деди англиялик футболчи. 

Маълумот учун, 22 ёшли хавбек жорий мавсум барча турнирларда умумий 21та учрашувда майдонга тушиб, 5та гол урди ва 4 та голли узатмани амалга оширди.