Беллингемга катта баҳо беришди

Англия футболи афсоналаридан бири Алан Ширер “Реал” ва Англия терма жамоаси етакчиси Жуд Беллингемни мақтади.

- Беллингем – феномен. Унда такаббурлик бор, лекин бу яхши маънода.

Топ-даражадаги ўйинчи бўлиш учун футболчида қандайдир ўзига хос жиҳат бўлиши керак. Жудда шу сифат бор.

Беллингем катта иқтидор эгаси эканини ҳаммамиз яхши билардик. Лекин унинг катта клубга осонликча киришиб кета олгани унинг феноменлигидан далолат беради, - деди Алан Ширер.

Жуд Беллингем ўтган йили ёзда Дортмунднинг “Боруссия” клубидан “Реал”га кўчиб ўтди.

20 ёшли футболчи Испаниядаги дебют мавсумидаёқ чемпионатда 28 та учрашувда 19 та тўп киритди.

Беллингем мадридликлар билан бирга Испания чемпионати ва Европа Чемпионлар лигасида ғолиб чиқди.