Беллингемнинг ЖЧ-2026 ярим финалида аргентиналик футболчининг бошига ургани сабаби маълум бўлди

Журналистлар инглиз ярим ҳимоячиси Жуд Беллингем нега жаҳон чемпионати — 2026 ярим финалида Англия – Аргентина учрашуви якунланганидан сўнг аргентиналик Валентин Баркога зарба бергани сабабларини аниқлашди.

As нашри маълумотларига кўра, Энцо Фернандес жавоб голини урганидан кейин Валентин Барко захира ўриндиғини тарк этиб, Англия терма жамоаси ўйинчилари олдида жуда намойишкорона тарзда голни нишонлаган. Учрашув тугашини билдирувчи сўнгги свистокдан сўнг эса у Беллингемга испанчада ҳақоратомуз сўзлар айтган.

Барко Беллингем испан тилини тушунмайди, деб ўйлаган. Аммо «уч шер» ярим ҳимоячиси Испания чемпионатида тўп сургани боис айтилган гапларни англаб етган. Шунинг ортидан Жуд Беллингем Валентина Баркого қўли билан бош орқа қисмига зарба берган.

Эслатиб ўтамиз, Аргентина Англия устидан 2:1 ҳисобида иродавий ғалаба қозониб, жаҳон чемпионати финалига йўл олди. Англия терма жамоаси эса учинчи ўрин учун баҳсда Францияга қарши майдонга тушади.