Бензема ўзига жамоа тузди

Саудия Арабистони чемпионатида “Ал-Иттиҳод” жамоаси шарафини ҳимоя қилаётган 37 ёшли франциялик ҳужумчиси Карим Бензема ўзининг орзулар жамоасини тузди.

AS нашрининг хабар беришича, футболчи 4-3-3 схемасини танлаган.

Бензема дарвозага Мюнхеннинг “Бавария” клуби посбони Мануэл Нойерни қўйди.

Ҳимоя чизиғига “Барселона”нинг собиқ футболчиси Дани Алвесни, шунингдек, Мадриднинг “Реал” клубида  бирга ўйнаган жамоадошлари Серхио Рамос, Пепе ва Марселони жойлаштирди.

Ярим ҳимоячилардан у Франция терма жамоасидаги шериги Пол Погбани, бразилиялик Роналдиньо ва “Реал” да ўзига устозлик қилган Зинедин Зиданни танлаб олди.

Ниҳоят, Чемпионлар лигасининг беш карра ғолиби ҳужум чизиғи учун умумий қўшиб ҳисоблаганда жами 15 та “Олтин тўп”ни қўлга киритган ҳужумчилар – Лионель Месси, Криштиану Роналду ва Роналдони (Назарио) танлади.

Жорий мавсумда Бензема клуб сафида барча турнирларда тўққизта ўйинда майдонга тушиб, бешта гол урди. Илгари франциялик футболчи “Лион” ва “Реал”да ўйнаган.