Бернарду Силва “Барселона”га ўтиш арафасида

“Манчестер Сити” ярим ҳимоячиси Бернарду Силва фаолиятини “Барселона”да давом эттиришга яқин турибди.

Бу ҳақда журналист Николо Скира хабар берди. Манбага кўра, португалиялик футболчи каталония клуби билан 2028 йилнинг ёзигача мўлжалланган шартнома имзолайди. Шунингдек, келишувда яна бир йилга узайтириш банди ҳам бўлади.

32 ёшли футболчи каталонияликлар сафига эркин агент сифатида қўшилади.

Маълумот учун, Силва 2017 йилдан бери “Манчестер Сити” сафида тўп тепиб келаётган эди.