Бернарду Силва бу суперклубга ўтишдан бош тортди

“Манчестер Сити” ярим ҳимоячиси Бернарду Силва ўз келажаги бўйича муҳим қарорларни қабул қилишига тўғри келмоқда.

Манчестердан кетадиган плеймейкер жаҳон чемпионатига қадар кейинги иш жойини ҳал қилиб олмоқчи. Ана шу мақсадда у бир неча клублар билан музокарага киришган.

La Gazzetta dello Sport нашри маълумотларига кўра, португалиялик футболчининг агенти Жорже Мендеш яқинда “Ювентус” билан ҳамкорлик масаласида учрашув ўтказган эди. Энжи маълум бўлишича, Бернарду Силва “Ювентус”га ўтишдан бош тортган ва Турин клуби билан шартнома имзоламайди.

Бунинг ўрнига ярим ҳимоячи фаолиятини Испанияда давом эттиришга мойиллик билдирмоқда.

Испания клублари орасида Силвани ўз сафига қўшиб олишга “Барселона”, “Реал” ва “Атлетико” қизиқиш билдирмоқда.

Бернарду Силва “Манчестер Сити”га 2017 йилда “Монако”дан 50 миллион еврога ўтган эди. Унинг шартномаси 2026 йил 30 июнга қадар амал қилади.

Жорий мавсумда ярим ҳимоячи “шаҳарликлар” сафида барча турнирларда 52 та ўйинда қатнашиб, учта гол урди ва бешта голли узатмани амалга оширди.