Бернарду Силва нега “Барса”га ўтишдан бош тортгани сабаби маълум бўлди

“Манчестер Сити”дан кетган португалиялик ярим ҳимоячиси Бернарду Силва шу ёзда  “Барселона”га ўтиш бўйича келишувга эришган эди.

Бироқ машҳур плеймейкер Каталонияга бормайдиган бўлди. Бунга сабаб сифатида каталонияликлар 31 ёшли футболчига асосий таркибдан жой кафолатлай олмаслигини билдиргани кўрсатилмоқда.

Бу ҳақда El Chiringuito журналисти Хосе Альварес Гайя ўзининг X ижтимоий тармоғида маълум қилди.

Манба маълумотига кўра, “Барселона” бошқа клублар Бернарду учун курашга қўшилган тақдирда ҳам ўз позициясини ўзгартиришни режалаштирмаган, чунки жамоанинг ярим ҳимоя чизиғи мукаммал даражада яхши шаклланган.

Аввалроқ ОАВ португалиялик футболчи Мадриднинг “Реал” клуби таклифини қабул қилгани ва эркин агент сифатида у ерга ўтишини хабар қилган эди.