Биласизми? Ўзбекистон кубоги финали илк бор "Локомотив" стадионида ўтказилади
Хабарингиз бор, бугун Ўзбекистон кубоги финали ўтказилади. Унда "Пахтакор" ва АГМК ўзаро куч синашади. Ушбу беллашув Тошкентдаги "Локомотив" стадионида бўлиб ўтади. Ўйин 17:00да бошланади.
1992 йили йўлга қўйилган ушбу мусобақа финали ҳали "Локомотив" стадионида ўтказилмаган. Яъни ушбу финал биринчи марта "Локо" аренасида бўлиб ўтади.
Шу пайтга қадар кубок финалларини 18 марта "Пахтакор" ўйингоҳи қабул қилган. Самарқанддаги "Динамо" ва пойтахтдаги "МҲСК" стадионлари 2 мартадан, Олмалиқдаги "Олмалиқ", Жиззахдаги "Сўғдиёна", Тошкентдаги "Бунёдкор" ва Фарғонадаги "Истиқлол" стадионларида бир мартада финал баҳслари ўтказилган.
Фикрлар