Бир айланиб келай! Ёзда олдинган юлдуз январда “Реал”ни тарк этмоқчи

“Реал”нинг ёзги трансферлар даврида Аргентинадан олиб келинган янги ҳужумкор футболчиси Франко Мастантуоно мадридликлар сафини вақтинча тарк этиш имкониятини кўриб чиқмоқда.

Transfer News Live ва El Nacional каби нашрларнинг ёзишича, 18 ёшли аргентиналик футболчи январда ижарага кетишни ўйламоқда.

Унинг мақсади мавсумнинг иккинчи қисмида доимий ўйин амалиётига эга бўлиш ва 2026 йилги жаҳон чемпионатида Аргентина терма жамоаси сафида ўйнаш имкониятларини оширишдан иборат.

Таъкидланишича, Мастантуоно “Реал”даги узоқ муддатли келажагига шубҳа қилмаяпти, фақат мундиал ҳақидаги режаларни ҳисобга олган ҳолда иш тутмоқда. У фақат ярим йиллик ижара вариантларини кўриб чиқади.

“Реал” Франкони ёзда “Ривер Плейт”дан 45 миллион еврога трансфер қилиб, 2031 йилнинг ёрмигача давом этадиган шартнома имзолаган эди.