Бир мавсумда чемпион бўлган футболчи "Арсенал"ни тарк этмоқда

Лондоннинг «Арсенал» жамоасида ўйнаётган ярим ҳимоячи Мартин Субимендининг келажаги ҳали ҳам аниқ эмас. Transfer News Live нашри TEAMtalk манбасига таяниб хабар беришича, испаниялик футболчи қишки трансфер ойнасида жамоани тарк этиш вариантни кўриб чиқиши мумкин.

Бу, айниқса, у «канонирлар» асосий таркибидаги ўрнини қайта тиклай олмаса, реал сценарийга айланиши эҳтимол қилинмоқда. Жорий мавсумда 27 ёшли футболчи Микель Артета жамоасининг барча беш учрашувида майдонга захирадан туширилган.

Мартин Субимендига бўлган қизиқиш ҳали ҳам юқори. Унга «Челси» ва Мадриднинг «Реал» клублари даъво қилмоқда. 

Transfermarkt портали маълумотларига кўра, ярим ҳимоячининг бозор қиймати 75 миллион евро атрофида баҳоланган. Футболчининг «Арсенал» билан амалдаги шартномаси эса 2030 йилнинг ўрталаригача мўлжалланган.

Эслатиб ўтамиз, испан футболчиси Лондон клуби сафига қўшилган дебют мавсумидаёқ Англия Премьер-лигаси ғолибига айланди.