Бивол Зинадга қарши жанг ҳақида: Унинг мағлубиятсиз сериясига чек қўйишни хоҳлайман

Россиялик енгилмас боксчи, ярим оғир вазнда WBA йўналишида жаҳон чемпиони Дмитрий Бивол ливиялик Малик Зинадга қарши бўлажак жанг ҳақида гапирди. Икки енгилмас боксчилар ўртасидаги ушбу қарама-қаршилик 1 июнга белгиланган.

“У ҳеч қачон мағлубиятга учрамагани ҳақиқатми? Буни билиш мени ҳаяжонлантирмоқда. Мен унинг мағлубиятсиз сериясига чек қўйишни хоҳлайман. Мен шунчаки уни мағлуб этишим керак. Мен қўлимдан келган ҳамма нарсани кўрсатишим керак”, - деди Бивол Title Sports Network YouTube каналига берган интервьюсида.

Маълумот учун, Бивол дастлаб ҳамюрти Артур Бетербиев билан жанг ўтказиши керак эди. Уларнинг жанги ҳам 1 июнга белгиланган эди, бироқ Бетербиев жароҳатидан сўнг ушбу жангни номаълум муддатга қолдиришга тўғри келди.