"Биз боримизни бердик": Скалони ЖЧ-2026 финалида Аргентина терма жамоасининг мағлубиятига муносабат билдирди

Жаҳон чемпионати финалида Испанияга мағлуб бўлганидан сўнг Аргентина терма жамоаси бош мураббийи Лионель Скалони ўз фикрларини билдирди.

«Ҳозир жуда қайғулиман... Лекин энг аввало шу йигитларга абадий миннатдорлигимни айтаман. Шу босқичгача етиб келиш учун улкан меҳнат, катта куч талаб этилади. Биз ғалабада қандай буюк бўлсак, мағлубиятни ҳам шу даражада мардона қабул қилишимиз керак. Эришилган натижаларни унутмаймиз. Биз майдонда боримизни бердик», — дея Скалонининг сўзларини ижтимоий тармоқдаги Instant Foot саҳифаси келтиради.

Эслатиб ўтамиз, Аргентина финалда қўшимча дақиқаларда мағлуб бўлди. Якуний ҳисобни 106-дақиқада Ферран Торрес урган ягона гол ҳал қилди. Қолаверса, экстра-тайм давомида аргентиналиклар бир футболчи кам таркибда ўйнашга мажбур бўлди.