Биз Клоппни чақирмаганмиз!

Европа матбуотида Англия Премьер-лигасининг “Манчестер Юнайтед” ва “Челси” каби клублари машҳур мураббий Юрген Клоппни бош мураббийликка таклиф этаётгани ҳақида маълумотлар тарқатилди.

“Ливерпуль”нинг собиқ бош мураббийи Клоппнинг агенти Марк Косицке ўз интервьюсида мижозига ҳамон таклифлар келаётганига қарамай, германиялик мутахассис ҳозирча мураббийликка қайтишни режалаштирмаётганини айтган.

Агентнинг айтишича, ҳатто “Манчестер Юнайтед” ва “Челси” ҳам унинг мижози бўйича мурожаат қилган экан.

Таъкидлаш жоизки, “Манчестер Юнайтед” ҳам, “Челси” ҳам Юрген Клопп 2024 йилнинг май ойида “Ливерпуль”дан кетаганидан бери икки мартадан бош мураббийни ўзгартирди.

Sky Sports нашрининг маълум қилишича, Англиянинг ҳар икки клуби бу хабарларга муносабат билдириб, Юрген Клопп билан ҳеч қандай алоқа бўлмаганини билдирган.

Қолаверса, Юрген Клопп мерсисайдликларни тарк этган пайтда Англия Премьер-лигасида “Ливерпуль”дан кейин бошқа жамоаларни бошқармаслигини аниқ айтган.