Бизда Ўруновдан яхшироқ ўйнай оладиган ажойиб ўйинчилар ҳам бор!

Эртага Эрон кубоги 1/8 финали доирасида "Трактор" ва "Персеполис" баҳси бўлиб ўтади. 

Бугун беллашувдан олдин иккала жамоа мураббийлари иштирокида матбуот анжумани бўлиб ўтади. Табриз клуби устози Драган Скошичга Остон Ўрунов ҳақида савол берилди.

"Персеполис" жамоасида бош мураббий алмашди ва бундан ташқари рақибингиз сафида Остон Ўрунов даражасидаги футболчи бор. Уни қандай қилиб тўхтатмоқчисиз?

"Рақиб ўйинчилари анча барқарор ва формада бўлиб турибди. Захирасида ҳам катта номларни кўриш мумкин.

Бизда Ўруновдан яхшироқ ўйнай оладиган ажойиб ўйинчилар ҳам бор. Ҳа, Ўрунов жуда яхши ўйинчи ва мен уни ҳурмат қиламан, лекин бизда кўплаб сифатли ўйинчилар ҳам бор", - деди хорватиялик мураббий.