Боатенг 5 йилга қамалиши мумкин
"Лион"нинг янги футболчиси Жером Боатенг тез орада панжара ортига йўл олиши мумкин. Бу ҳақда Der Spiegel нашри хабар тарқатмоқда.
Манбага кўра, немис ҳимоячиси аёл кишига ҳужум қилиб, унга тан жароҳати етказгани учун 5 йилгача қамоқ жазосига ҳукм қилиниши мумкин.
Жабрланувчи – Боатенгнинг собиқ маъшуқаси Шерин Зенлер. Мюнхен суди бугун ушбу ишни кўриб чиқади.
Тергов маълумотларига кўра, Боатенг 2018 йилда собиқ севгилиси билан жанжаллашганида уни калтаклаган.
Комментарии