Boks. Jahon chempionatida ilk finalchilarimiz ma’lum bo‘ldi

Bugun boks bo‘yicha yoshlar o‘rtasida jahon chempionati yarim final janglari bo‘lib o‘tmoqda. Biroz vaqt oldin, kunduzgi dastur doirasidagi bahslar o‘z nihoyasiga etdi. 

-57 kg vaznli bokschimiz Sitora Turdibekova o‘shbu bosqichda hindistonlik raqibasiga imkoniyatni boy berib qo‘ydi va bronza medali bilan cheklanadigan bo‘ldi.

-54 kg vaznli bokschimiz Nigina O‘ktamova rossiyalik bokschiga qarshi jang qildi va 5:0 hisobida g‘alaba qozonib, finalga yo‘l oldi!

-60 kg vaznli bokschimiz Dilfuza Bekova qozog‘istonlik bokschiga imkoniyatni boy berib qo‘ydi va bronza medali bilan O‘zbekistonga qaytadigan bo‘ldi.

-64 kg vaznli bokschimiz Mohinabonu Abdullaeva latviyalik raqibasiga qarshi jangda 5:0 hisobida g‘alaba qozonib, finalga yo‘l oldi!

 -75 kg vaznli bokschimiz Sohiba Ro‘zmetova qozog‘istonlik charim qo‘lqop ustasiga qarshi jang qilib, imkoniyatni boy berdi. Bu orqali Sohiba terma jamoamizga to‘rtinchi bronza medalini taqdim etdi.

O‘zbekiston boks federatsiyasi matbuot xizmati