Бокс. Ўзбекистон чемпионатининг ўтказилиш саналари эълон қилинди

Хабарингиз бор, 28 ноябрдан 12 декабргача Таиланднинг Чиангмай шаҳрида бокс бўйича катталар ўртасида Осиё чемпионати бўлиб ўтди. Унда ҳамюртларимиз ҳам иштирок этиб, мусобақани муваффақиятли тарзда якунлашди.

Юқоридаги мусобақада терма жамоа спортчилари қатнашгани инобатга  олиниб, қайта тикланишларига имкон берган ҳолда катталар ўртасидаги 2024 йилги Ўзбекситон чемпионати 2025 йил 20-28 январь санасига кўчирилди. "ROPSTTM" бокс залида, саралаш жанглари мухлисларсиз, спортчи ва тренерлар Федерация томонидан тақдим қилган аккредитация билан рухсат берилади.

26-28 январь кунлари эса мусобақанинг ярим финал ва финал жанглари "ZO"R TV" (Renessans Hall) биносида бўлиб ўтади. Бу ҳақда Ўзбекистон Бокс Федерацияси хабар бермоқда.