Боксчи 14 ёшли қизнинг ўлимига сабабчи бўлди

25 ёшли чеченистонлик боксчи Шарапудин Ўразбоев 10 йилга озодликдан маҳрум этилди. 

Тергов маълумотларига кўра, 2024 йил 3 октябрь куни Шарапудин тартибга солинмаган пиёдалар ўтиш жойида бир қизни уриб юборганига қарамай, жабрланувчини қутқаришга уринмади. Натижада 14 ёшли норасида воқеа жойида вафот этган. 

Суд боксчини марҳуманинг ота-онасига 6 миллион рубл тўлашга мажбур қилди. Бу ҳақда Краснодар ўлкаси прокуратурасига таяниб, “РИА Новости Спорт” хабар бермоқда.

Шунингдек, Шарапудин мастлик ҳолати бўйича тиббий кўрикдан ўтиш талабини бажармагани учун ҳайдовчилик гувоҳномасидан маҳрум қилинган.