"Боруссия Д" туркиялик футболчини сотиб олмоқчи

"Боруссия Дортмунд" чап қанот ҳимоячиси Ферди Кадиоғлуни сотиб олмоқчи. "Сариқ-қоралар" жамоани тарк этган Йен Матсен ўрнига Фердини муносиб номзод деб ҳисобламоқда. Мазкур трансфер борасида жамоанинг янги бош мураббийи Нури Шаҳиннинг шахсан ўзи шуғулланмоқда. 

24 ёшли ҳимоячига АПЛнинг бир неча клублари ҳам қизиқиш билдираётган эди. Туркия терма жамоасининг асосий футболчиси ҳисобланган Кадиоғлунинг нархи 21 миллион еврога баҳоланмоқда. У Грузияга қарши учрашувда фаол ҳаракатлари билан ажралиб турди.

Маълумот учун, "Фенербахче" ҳимоячиси жорий мавсумда 44 ўйинда майдонга тушиб, 2 та гол киритди ва 4 бора шерикларининг голига ассистентлик қилди.