“Боруссия” Дортмунд Бундеслига рекордини ўрнатди

Дортмунднинг “Боруссия” клуби Бундеслиганинг янги мавсумни “Байер” устидан 1:0 ҳисобидаги камтарона ғалаба билан бошлади. Бироқ, бу ҳисоб “асаларилар”га Германия чемпионатида янги рекорд ўрнатиши учун етарли бўлди. Дортмундликлар саккиз йил кетма-кет мавсумнинг очилиш ўйинида ғалаба қозонишди.

Немис клуби охирги марта 2014 йилнинг август ойида чемпионатни мағлубият билан бошлаган. Ўшанда "Боруссия" очилиш ўйинида 0:2 ҳисобида мағлуб бўлган. Қизиқарли томони ўша баҳсда “сариқ-қоралар” айнан "Байер"га ютқазган эди.

Германия Бундеслига чемпионатининг навбатдаги турида "Боруссия" сафарда "Фрайбург" билан тўқнаш келади. Бу ўйин 12 август куни бўлиб ўтади.

Фикрлар

Фикр қолдириш учун авторизациядан ўтинг!