Бош мураббий янги сардор танлади

Англия Премьер-лигасида иштирок этаётган “Тоттенхэм” жамоа етакчиси ва сардори Хён Мин Сон билан хайрлашганидан кейин сардорлик боғичини бошқа футболчига топширди.

“Шпорлар” бош мураббийи Томас Франк сардорлик масъулияти жамоа ҳимоячиси Кристиан Ромерога топширилишини расман маълум қилди.

- Ромеро билан суҳбатимиз жуда яхши ўтди. У янги сардоримиз бўлади. Кристиан жамоамизни нафақат УЕФА Суперкубоги учрашувида, балки мавсумдаги барча ўйинларга сардор сифатида бошлаб тушади. Бунинг учун Ромерода барча сифатлар етарли, - деди Томас Франк.

Кристиан Ромеро “Тоттенхэм”дан 2022 йилнинг августидан бери тўп тепади. Аргентиналик ҳимоячи жамоа учун ҳозиргача 124 та ўйин ўтказди. Бу баҳсларда ҳимоядаги вазифаларини бажаришдан ташқари, рақиблар дарвозасини етти маротаба ишғол қилди ва жамоадошларига учта голли пас узатди.