Бош соврин учун устоз ва шогирд ўзаро беллашади
АҚШнинг Индиан-Уэллс шаҳри мезбонлик қилган "BNP Paribas Open - 2917" мусобақасининг бош соврини учун Швейцариянинг икки теннисчиси - Станислас Вавринка ва Рожер Федерер ўзаро рақобатлашадиган бўлди.
Мукофот жамғармаси 7 913 405 АҚШ доллари бўлган турнирнинг ярим финалида Станислас Вавринка испаниялик рақиби Пабло Карреньо-Бустани қийинчиликсиз 6:3, 6:2 ҳисобида мағлубиятга учратди.
Рожер Федерер эса мезбонларнинг ярим финалга етиб келган ягона вакили Жек Сокка ҳеч қандай имконият қолдирмади - 6:1, 7:6
Энди финал баҳсида тажрибали Федерер шиддатли ўйин намойиш этадиган Вавринкага қарши кортга чиқади.
Изоҳлар (0)