Бразилия клуби Неймарнинг келиши ҳақида: Бизнинг жамоа тиббиёт бўлими эмас!

Бразилиянинг "Палмейрас" клуби президенти Лейла Перейра клуб "Ал-Ҳилол" ҳужумчиси Неймарни қўлга киритиши мумкинми, деган саволга жавоб қайтарди.

«Неймар «Палмейрас»га ўтмайди, бу клуб тиббиёт бўлими эмас. Менга зудлик билан қўшиладиган ва мураббий хоҳласа эртага ўйнай оладиган одам керак. Бизга футбол ўйнашга тайёр бўлмаган футболчининг трансфери керак эмас», - деди Лейла.

Аввалроқ Неймар доимий жароҳатлар туфайли "Ал-Ҳилол" клуби билан шартномасини бекор қилиш бўйича музокаралар олиб бораётгани ҳақида хабар берилганди. Бошқа манбалар бу маълумотни рад этди. Футболчининг Саудия клуби билан амалдаги меҳнат шартномаси 2025 йилнинг ёзига қадар имзоланган. Неймар яқинда оғир жароҳатидан фориғ бўлди, бироқ кўп ўтмай яна жароҳат олди ва тахминан олти ҳафтага сафдан чиқди.