Бразилия терма жамоаси етакчиси Шотландияга қарши ўйинни ўтказиб юборади

Бразилия терма жамоаси вингери Рафинья Жаҳон чемпионатининг гуруҳ босқичидаги Шотландияга қарши баҳсда майдонга туша олмайди.

Журналист Фабрицио Романонинг маълум қилишича, футболчининг ўнг сон қисми мушакларида жароҳат аниқланган. Бу ҳолат терма жамоа тиббий штаби томонидан ўтказилган текширувлардан сўнг тасдиқланган.

Рафинья "ЖЧ-2026" доирасидаги Гаитига қарши учрашувнинг 40-дақиқасида жароҳат олган ҳолда майдонни тарк этган эди. Учрашув Бразилиянинг 3:0 ҳисобидаги ғалабаси билан якунланган.

Маълум қилинишича, футболчи терма жамоа қароргоҳида қолади ва тикланиш жараёнини бошлайди. У мусобақанинг кейинги босқичларигача сафга қайтишга ҳаракат қилади.

Эслатиб ўтамиз, Бразилия — Шотландия учрашуви 25 июнь куни Тошкент вақти билан соат 01:00 да бўлиб ўтади