Бразилия ва "Барселона" собиқ юлдузи Россия Медиалигасида тўп тепиши мумкин

Бразилия терма жамоаси ва "Барселона"нинг собиқ футболчиси Дани Алвес Россияда тўп суриши мумкин. Бу ҳақда "Mash" Телеграм-канали хабар бермоқда.

Манбага кўра, машҳур бразилиялик ҳимоячи Медиалига клубларидан бири билан музокараларга киришган. Томонлар аллақачон музокараларнинг биринчи босқичини ўтказган. Навбатдаги учрашув 9 майдан кейин бўлиб ўтиши кутилмоқда.

Эслатиб ўтамиз, Дани Алвес илгари зўравонлик иши бўйича қамоқ жазосига ҳукм қилинган эди. Бироқ, жорий йилнинг март ойи охирида суд уни оқлаб, озод қилинган.

Дани Алвеснинг сўнгги профессионал клуби Мексиканинг "УНАМ Пумас" жамоаси бўлган. У Бразилия терма жамоаси сафида 126 та ўйин ўтказиб, 8 та гол урган.