Бруно Фернандеш МЮдан кетиши мумкин!

"Манчестер Юнайтед" сардори Бруно Фернандешнинг кетиши мумкинлиги ҳақидаги миш-мишлар авж олишда давом этмоқда.

Журналист Симон Стоуннинг сўзларига кўра, Италиянинг "Милан" ва "Ювентус" клублари, шунингдек, Туркиянинг "Галатасарай" жамоаси ярим ҳимоячи билан шартнома имзолашга қизиқиш билдирмоқда. Португалиялик ярим ҳимоячининг шартномасида хорижий клублар учун 57 миллион фунт стерлинг (деярли 67 миллион евро) миқдорида товон пули тўлаш банди мавжуд. Бироқ, футболчининг ўзи "қизил иблислар" сафида фаолиятининг охиригача ўйнашни афзал кўрмоқда.

Бруно 8 сентябр куни 32 ёшга тўлади. Унинг манкунианликлар билан амалдаги шартномаси 2027 йил ёзигача амал қилади, аммо уни яна бир йилга узайтириш имконияти ҳам мавжуд.