Brunu Fernandesh Amorim bilan munosabatlari haqida gapirdi
"Manchester Yunayted" sardori Brunu Fernandesh jamoa bosh murabbiyi Ruben Amorim bilan bo‘lgan munosabatlariga to‘xtaldi.
"Biz ma’lum bir chegarani belgilab olganmiz, uni bosib o‘tmaslikka harakat qilamiz. Ammo agar qaerdadir kichik izoh berishim kerak bo‘lsa, buni boshqa futbolchilar oldida qilishga urinmayman.
Amorim ishda juda jiddiy inson, xuddi men kabi. U tobora futbolchilarning ongi va qalbiga kirishga harakat qilyapti, munosabatlar "murabbiy — o‘yinchi" emas, balki "inson — inson" shaklida bo‘lishini istaydi", — dedi Fernandesh "Canal 11"ga bergan intervyusida.
Eslatib o‘tamiz, ayni paytda "Manchester Yunayted" Angliya Premer-ligasi turnir jadvalida oltinchi o‘rinni egallab turibdi.
Fikrlar