Бруну Фернандеш "Сити" дарвозасига киритилган баҳсли гол ҳақида фикр билдирди

"Манчестер Юнайтед" етакчиси Бруну Фернандеш дербида Эдерсон дарвозасига киритган голи ҳақида фикр билдирди.

"Дарвозага қараб тургандим. Маркус менинг яхшироқ ҳолатда эканлигимни кўрди ва тўхтади. Мен ўйиндан ташқари ҳолатда эмасдим. Рэшфорд рақиб ҳимоячиларига ҳалал бермади. Бу аниқ",-деди португалиялик ярим ҳимоячи. 

Маълумот учун, Каземиронинг узатмасидан сўнг яққол офсайдда турган Маркус Рэшфорд аввалига тўп томон югурди, бироқ ортдан келаётган шеригини кўриб, ўзини тўхтатди. Жуда кўпчилик бу вазиятда ён ҳакам байроқчасини кўтариши кераклигини иддао қилмоқда.

Бош рефери Стюарт Атуэлл видеотакрорларни кўргач, голни инобатга олди.