Бу футболчи ўйнаса, терма жамоа ютқазмаслиги исботланди
Франция терма жамоаси Германия мезбонлик қилаётган Европа чемпионатида иккита учрашувни мағлубиятсиз якунланди.
Дидье Дешам шогирдлари Австрияни енгиб, Нидерландия билан дуранг қайд этди.
Франциянинг асосий таркибда ўйнаётган Нголо Канте европалик футболчилар учун ажойиб рекорд соҳибига айланди.
Франция терма жамоаси Европа ва жаҳон чемпионатларида Канте ўйнаган учрашувларнинг асосий вақтида умуман ютқазмай келмоқда. Тажрибали ярим ҳимоячи ёрдамида французлар катта турнирларда 12 та ғалаба ва бешта дуранг қайд этган.
Футбол мутахассислари Канте Саудия Арабистони чемпионатига кўчиб ўтганига қарамай, ўйин бобида Европанинг кучли лигаларида ўйнаётган футболчилардан устунлик қилаётганини таъкидламоқда.
Фикрлар