Bu futbolchi o‘ynasa, terma jamoa yutqazmasligi isbotlandi

Frantsiya terma jamoasi Germaniya mezbonlik qilayotgan Evropa chempionatida ikkita uchrashuvni mag‘lubiyatsiz yakunlandi.

Dide Desham shogirdlari Avstriyani engib, Niderlandiya bilan durang qayd etdi.

Frantsiyaning asosiy tarkibda  o‘ynayotgan Ngolo Kante evropalik futbolchilar uchun ajoyib rekord sohibiga aylandi.

Frantsiya terma jamoasi Evropa va jahon chempionatlarida Kante o‘ynagan uchrashuvlarning asosiy vaqtida umuman yutqazmay kelmoqda. Tajribali yarim himoyachi yordamida frantsuzlar katta turnirlarda 12 ta g‘alaba va beshta durang qayd etgan.

Futbol mutaxassislari Kante Saudiya Arabistoni chempionatiga ko‘chib o‘tganiga qaramay, o‘yin bobida Evropaning kuchli ligalarida o‘ynayotgan futbolchilardan ustunlik qilayotganini ta’kidlamoqda.