Бу икки супертўпурар келса, манчестерликларни енгиб бўлмайди!

“Манчестер Юнайтед” бош мураббийи Рубен Аморим ўзига керак бўлмай қолган ўйинчилардан қутилаётгани бежиз эмас экан.

Клуб раҳбарияти келаси мавсум олдидан таркибини сезиларли даражада кучайтиришга қарор қилгани ойдинлашди. Бугунги кунда жамоанинг энг нозик нуқтаси кўп гол ура оладиган марказий ҳужумчи йўқлиги экани аниқланди.

Transfer News Live нашрининг маълум қилишича, манчестерликлар икки супертўпурарни нишонга олган. Маълумотларга кўра, улар Виктор Дьёкереш ва Виктор Осимхенни нишонга олди.

Швециялик Дьёкереш “Спортинг”да Рубен Аморим қўл остида ўйнаган. Нигериялик Осимхен эса, “Наполи”га тегишли, бироқ клуб раҳбарияти билан муносабати бузилгани боис, Туркияда вақтинчалик ўйнаб юрибди.

Ёши тенг бўлган ҳар икки адашнинг трансфер суммаси Transfermarkt портали экспертлари томонидан бир хил – 75 миллион еврога баҳоланмоқда.