Бу иш Холанднинг қўлидан келмайди!

“Ливерпуль” жамоасининг собиқ футболчиси Жон Барнс ҳозирги таркибдаги ҳужумчи Дарвин Нуньеснинг имкониятларини АПЛ тўпурари Эрлинг Холанд билан солиштирди.

- Дарвин бир мавсумда 40 та гол урмасдан ҳам жамоамизга чемпионлик соврини олиб бера олади. Аслида уни ҳеч кимга қиёслаб бўлмайди.

Нуньес қилган иш ҳатто Холанднинг ҳам қўлидан келмайди. Сиз Дарвин майдонда қандай оғир ишларни бажараётганини, рақибни мунтазам прессингда ушлаб туришини кўринг. Холанд бундай қила олмайди, Эрлинг фақат кўп гол уради холос, - деди Жон Барнс.

“Ливерпуль” 25 ёшли уругвайлик ҳужумчини икки йил муқаддам 85 миллион евро эвазига “Бенфика”дан трансфер қилган эди. Нуньес аввал ўз юртида “Пеньяроль” ва Испанияда “Альмерия” клубларида ҳам ўйнаган.

Клублар миқёсида турли лигаларда жами 235 та учрашувда қатнашган ҳужумчи ўз ҳисобига 101 та гол ва 37 та ассист ёздириб қўйган.