Бу юлдузни сотиб олмаймиз!

“Манчестер Юнайтед” жамоаси етакчиси ва сардори Бруну Фернандеш жорий мавсум якунланганидан кейин клубни тарк этиши мумкинлиги ҳақидаги хабарлар анча вақтдан бери тарқалмоқда.

31 ёшли португалиялик футболчига нафақат Саудия Арабистони клублари, балки Европадаги жамоалар, жумладан “Бавария” жиддий қизиқаётгани ҳақида ёзилган эди.

Германия футболига ихтисослашган таниқли журналист Кристиан Фалькнинг маълум қилишича, “Бавария” раҳбарияти Бруну Фернандешни сотиб олмасликка қарор қилди.

Мюнхенликлар жамоа етакчиларидан Леон Горецканинг мавсум охирида клубдан кетиши сабабли ярим ҳимоячилар бозорини ўрганмоқда, аммо Бруну клуб талабларига мос келмайди.

Энг асосий муаммо, ёши ўтиб қолаётган ўйинчининг трансфер нархи жуда юқори эканидир.

Transfermarkt маълумотига кўра, Фернандешнинг бозор қиймати 40 миллион еврога тенг. Аммо манчестерликлар уна янада қимматроқ сотишга ҳаракат қилмоқда.