Буффон Ўруновнинг жамоадошига айланиши ростми?

"Парма" дарвозабони Жанлуижи Буффоннинг агенти Сильвано Мартина мижозининг "Спартак"га ўтиши ҳақидаги миш-мишларга изоҳ берди.

"Бу ҳақда биринчи марта эшитишим. Бу умуман ҳақиқатга тўғри келмайди. Буффоннинг "Парма" билан 2023 йилгача фаол шартномаси бор", - деди агент.

Эслатиб ўтамиз, Буффон ёзда "Парма"га эркин агент сифатида қайтган эди. Клуб ҳозирда B Cерияда ўйнамоқда.

Маълумот учун, ҳамюртимиз Остон Ўрунов ҳам Москванинг "Спартак" клуби футболчиси ҳисобланади.