Бугун Билолбек жаҳон чемпионлиги учун рингга кўтарилади

Бугун Россиянинг Санкт-Петербург шаҳри мезбонлик қилаётган бокс бўйича ёшлар ўртасидаги жаҳон чемпионатининг 9-кунида финал жанглари ўтказилади.

Кеча ярим финалгача етиб келган Билолбек Мирзараҳимов (60 кг.) ўзининг муваффақиятли юришини давом эттириб, мусобақанинг финал йўлланмасини қўлга киритди.

У ярим финил жангида туркиялик Нажот Экинчига умуман имконият қолдирмай, 5:0 ҳисобида зафар қучди. Энди боксчимиз ҳал қилувчи жангда америкалик Деланте Жонсонга қарши рингга кўтарилади.

Шунингдек, ярим финалнинг энг кескин ва муросасиз беллашувларидан бирида Отабек Холматов япониялик Ҳаято Тсутсумига 3:2 ҳисобида имкониятни бой бериб, бронза медалини қўлга киритди.

Бундан ташқари ярим финал жангларида Шунқор Абдурасулов (56 кг.) ва Шоҳруз Раҳимов (91 кг.) бронза медалини қўлга киритган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)