Бугун Новак Жокович кортга тушади

Сербия пойтахти Белград шаҳрида теннис бўйича "Adria Tour" кўргазмали турнири Новак Жокович томонидан ташкил этилаётганидан хабарингиз бор.

 

Унда саккиз нафар теннисчи икки гуруҳга бўлинган ҳолда ўзаро рақобатлашади. Мазкур турнирнинг гуруҳ босқичига қуръа ташланди.

 

Қуръа натижасига кўра, "A" гуруҳидан Новак Жокович, Александр Зверев, Филип Крайинович ва Виктор Троицки жой олган бўлса, "В" гуруҳида Доминик Тим, Григор Димитров, Душан Лайович ҳамда Дамир Жумҳур ўзаро куч синашадиган бўлди.

 

Мусобақанинг илк кунида иккита тур учрашувлари бўлиб ўтади. Эртага эса ҳал қилувчи ўйинлар ҳамда гуруҳ ғолиблари ўртасида финал ўйини ўтказилади. Ҳар бир учрашув уч сетдан давом этади. Сетлар тўрт очкогача ўйналади.