Бугун Серена Уильямс ва Симона Халеп тўқнашади

Бугун Англиянинг Лондон шаҳрида теннис бўйича "Катта дубулға" туркумига кирувчи "Уимблдон" мусобақасининг аёллар ўртасидаги яккалик баҳслари финал ўйини бўлиб ўтади.

Унда руминиялик Симона Халеп ва америкалик Серена Уильямс бош соврин учун ўзаро рақобатлашади. Мазкур баҳс Тошкент вақти билан 18:00да бошланади.

Маълумот учун, Симона ва Серена шу кунга қадар жами 11 маротаба ўйин ўтказган бўлиб, уларда 9 маротаба Уильямс ғалаба қозонган бўлса, Халепнинг икки марта қўли баланд келган.

Улар сўнгги бора, жорий йилнинг 21 январь куни Австралиянинг Мельбурн шаҳрида ўтказилган "Australian Open" турнирининг тўртинчи даврасида ўзаро тўқнаш келган. Унда америкалик теннисчи 6-1 4-6 6-4 ҳисобида ғалаба қозонган.