Бугун Шомуродов голсиз сериясига барҳам берадими?

Россия премьер-лигасининг иккинчи турида “Ростов” жамоаси ўз майдонида амалдаги чемпиони “Зенит”ни қабул қилади.

Ушбу учрашувда кўпчилик кутган тўпурарлар рақобати – Элдор Шомуродов ва Артём Дзюба баҳсини кўра олмаймиз. Россиянинг бугунги кундаги энг кучли ҳужумчиси Ростовдаги ўйинга келмагани ҳақида маълумотлар тарқатилмоқда.

Ҳар икки жамоа ҳам чемпионатни ғалаба билан бошлади ва бу ўйинда ким зафар қучса, мусобақа пешқадамига айланади.

Ўзбекистонлик футбол мухлисларини Элдор Шомуродовнинг қачон гол уриши қизиқтирмоқда. Ҳамюртимиз 2020 йилнинг 29 февралидан буён рақиб дарвозасига йўл топа олмаяпти. Коронавирус пандемияси туфайли эълон қилинган карантинда ўзбек футболчиси спорт формасидан чиқиб кетди ва ҳамон ўз ўйинини топа олгани йўқ.

Бугун принципиал рақибга қарши ўтадиган учрашувда Элдор алоҳида иштиёқ билан тўп суриши лозим ва мухлисларимиз ундан гол кутишдан тўхтагани йўқ. Бу гол Шомуродовнинг йўлини очиб юбориши мумкин. Футбол тарихида биргина гол ҳужумчининг голлар сериясини бошлаб берган ҳолатлар жуда кўп кузатилган. Фақат ана шу биринчи голни уриб олиш қийин ва муҳимдир.

“Ростов” ва “Спартак” учрашуви Тошкент вақти билан 22:00 да бошланади.

 

  

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Расулжон Тоштемиров
16/08/2020 19:30
Туйдан кейин гол уришни эсдан чикарди
&
Рузиметов
16/08/2020 00:17
sports.uz олдиндан Шомуродов урами йукми деб ёзишни бошлагандан бери бечора Шомуродов сира гол ургани йук олдиндан фол очишни тухтат. Гол ургандан кейин ёз
&
Насаф
15/08/2020 17:54
Йук бермайди бархам. Булди кетди шу туришига йуг буп кетади. Шу жавоб керагидими санга??

Минбар

Барча блоглар