Бунақаси бўлмаган: Испанча рекорд!

Германия майдонлари мезбонлик қилаётган Европа чемпионатида Испания терма жамоаси биринчи бўлиб финалга чиқди.

Испанлар ярим финал баҳсида кучли рақиб – Франция терма жамоасини 2:1 ҳисобида таслим қилди. Бу ғалаба “Фурия роха”га янги рекордни келтирди.

Испания терма жамоаси йирик мусобақаларда кетма-кет олтита учрашувни асосий вақтдаёқ ўз фойдасига ҳал қилган биринчи жамоага айланди.

Бош мураббий Луис де ла Фуэнте шогирдлари Европа чемпионати давомида Хорватия, Италия, Албания, Грузия, Германия ва Францияни асосий вақтда енгиб, финалга етиб келди.

Испанияликларда бу кўрсаткични яна биттага яхшилаш имкони бор. Бунинг учун улар финал баҳсининг асосий вақтида ғолиб чиқишига тўғри келади.