Buni Ronaldudan boshqa hech kim qilolmagan!

Saudiya Arabistoni Professional ligasining 14-turida “An-Nasr” jamoasi “Al-Uhdud” bilan kuch sinashib, 3:1 hisobida irodali g‘alabaga erishdi.

Riyodliklarga Sadio Manening ikki va Krishtianu Ronalduning bir goli g‘alaba keltirdi. Penaltidan kiritilgan to‘p 39 yoshli portugaliyalik hujumchi uchun 2025 yildagi dastlabki gol bo‘ldi.

Aynan mana shu aniq zarba Ronalduning nomini yana bir karra tarixga muhrladi. Krishtianu 24 yildan beri uzluksiz gol urayotgan birinchi va yagona futbolchiga aylandi.

Mohir hujumchi ilk to‘pini 2002 yili “Sporting” safida kiritgan edi. Umumiy statistika quyidagi suratda namoyon bo‘ladi.

Ronaldu faoliyati davomida “Sporting”, “Manchester Yunayted”, “Real”, “Yuventus” va “An-Nasr” jamoalari tarkibida jami 782 ta gol urgan. Portugaliya terma jamoasida esa, raqiblar darvozasini 135 marta ishg‘ol qilgan.