Буни Роналдудан бошқаси уддалай олмаган
Португалия терма жамоаси УЕФА Миллатлар лигаси мусобақаси доирасида Польша терма жамоасини 5:1 ҳисобида мағлубиятга учратди.
Учрашувда мезбонлар сардори Криштиану Роналду дублга эришди. Бу баҳс ва ундаги икки гол Роналдуга тўпурарлик борасида яна янги рекордларни тақдим этди.
Биринчидан, Криштиану расмий учрашувлардаги голлари сонини 910 тага етказиб олди. Бу яққол рекорд. Ҳали бирор футболчи профессионал даражада бу қадар кўп тўп киритмаган.
Иккинчидан, Роналду халқаро миқёсда 215-учрашувида майдонга тушди ва терма жамоадаги голлари сонини 135 тага етказиб олди. Ҳар икки кўрсаткич ҳам жаҳон футболида янги рекорд сифатида тарихга киритилди.
Фикрлар