Бускетсни энг кўп ранжитган юлдуз ким?

10 май куни дунё бўйлаб минглаб нашрлар "Барселона" етакчиси ҳақида ёзишди. "Олтин эра"нинг сўнгги вакили — Серхио Бускетс ҳам клубни тарк этмоқда...

Унинг кейинги манзили қаер бўлиши ҳозирча ноаниқ. Аммо сизга Серхионинг фаолияти ҳақида аниқ фактларни келтира оламиз.

Бускетс "Барса"даги дебютини 2008 йилнинг сентябрь ойида (20 ёшида) "Расинг"га қарши ўйинда нишонлаган эди.

Унинг терма жамоадаги дебюти 1 йилдан кейин Висенте дел Боске қўл остида (Туркияга қарши) рўй берган.

"Барселона" билан 8 марта Ла Лига, 3 марта Европа Чемпионлар лигасини ютган ярим ҳимоячи бугунга қадар клуб либосини 700дан ошиқ ўйинда кийди.

Бускетс Андреас Иньеста ва Лео Месси кетганидан кейин "Барселона" сардорига айланган эди.

Айни пайтдаги трансфер баҳоси 5 млн еврога тенг. 2018 йилнинг аввалида эса Трансфермаркт портали қаҳрамонимизни 80 млн еврога баҳолаган эди.

Фаолияти давомида энг кўп Карим Бензема билан тўқнаш келган (45 марта). Бускетсни ўзаро ўйинларда энг кўп мағлуб қилган футболчи ҳам айнан франциялик ҳужумчи ҳисобланади (16 марта).

ФР