"Бухоро" етакчиларидан бири жамоадан кетди

Иккинчи даврага тайёрланаётган "Бухоро" ўз сафига янги ўйинчиларни қўшиб олаётгани тўғрисида хабарлар бериб боряпмиз. Шу ўринда жамоани тарк этаётган футболчилар ҳам бор.

Жумладан, иккинчи давра олдидан "Бухоро" жамоасининг ўнг қанот ҳимоячиси Даврон Ҳошимов билан ўртадаги шартнома ўзаро келишган ҳолда бекор қилинди. Бу хусусида клуб матбуот хизмати хабар бермоқда. Маълумотларга қараганда, Ҳошимов иккинчи даврани "Металлург" жамоасида бошлаши кутилмоқда.

Ундан олдин Фозил Мусаев ва Шохмалик Комилов "Бухоро" билан хайрлашишганди.