Чалханоглу Ибрагимовичга "сакраб қўйди"

Хабарингиз бор, "Милан" 2021/2022 йилги мавсум А Серия бош совринини қўлга киритди. 

Чемпионлик паради вақтида швед ўтган мавсум "россонерилар" сафини тарк этиб, "Интер"га ўтган Чалханоглуни ҳақоратлади. 

"Златан 18 эмас, 40 ёшда. Мен унинг ёшида бундай ишларни қилмаган бўлардим. У шунчаки эътибор марказида бўлишни истайди. 

Ибрагимович "Милан"нинг скудеттони қўлга киритишига ҳисса қўшмади. Ахир, зўрға майдонда ўйнади, диққат марказида бўлиш учун эса қўлидан келган ҳамма ишни қилди. 

Бир томондан олиб қарасак, "Милан"да бўлган пайтим мени тушликка ёки мотоциклда саёҳатга чақирадиган инсоннинг менга нисбатан бундай гапириши яхши эмас", - деди туркиялик футболчи.