"Chelsi" 2018 yildan beri ilk bor ketma-ket yirik mag‘lubiyatga uchradi

Angliya Premier-ligasining 32-turida "Chelsi" o‘z maydonida "Manchester Siti"ga 0:3 hisobida imkoniyatni boy berdi.

"Stemford Brij"dagi bahsda mehmonlar ikkinchi bo‘limda Niko O’Rayli, Mark Gexi va Jeremi Dokuning gollari evaziga ishonchli g‘alabani qo‘lga kiritdi.

"Opta" ma’lumotiga ko‘ra, bu 2018 yil fevraldan beri "Chelsi" uchun chempionatdagi ilk holat bo‘ldi — jamoa ketma-ket ikki o‘yinda kamida uch to‘p farqi bilan mag‘lub bo‘ldi.

Avvalgi turda ham londonliklar "Everton"ga huddi shu 0:3 hisobida imkoniyatni boy bergandi. Bundan oldingi shunday noxush seriya Antonio Konte davriga to‘g‘ri kelgan: o‘shanda "ko‘klar" "Bornmut"ga 0:3 va "Uotford"ga 1:4 hisobida yutqazgan edi.

Ayni paytda Liam Rosenyor boshqarayotgan jamoa 32 turdan keyin 48 ochko bilan turnir jadvalida 6-o‘rinni egalab turibdi.