«Челси» «Астон Вилла» билан Роджерс трансфери бўйича келишувга эришди

«Челси» клуби «Астон Вилла» ярим ҳимоячиси Морган Роджерс трансфери бўйича бирламчи келишувга эришди. Бу ҳақда The Athletic нашри журналисти ва инсайдер Дэвид Орнштейн ижтимоий тармоқ X орқали хабар берди.

Манбага кўра, Бирмингем клуби лондонликлар таклиф этган ₤ 117 млн (тақрибан € 137 млн) миқдоридаги суммани қабул қилган. Роджерс «Челси» билан олти йиллик шартнома имзолаши кутилмоқда, битим бир мавсумга узайтириш имконини ҳам ўз ичига олади. Футболчи душанба куни тиббий кўрикдан ўтиши режалаштирилган.

Ўтган мавсумда Роджерс «Астон Вилла» сафида барча мусобақалар доирасида 55 та ўйинда майдонга тушиб, 14 та гол урди ва 12 та голли узатма муаллифига айланди.